ANTOLATU ZURE HARROTASUNA!

LGTBI+fobiaren aurkako Nazioarteko Eguna

 

Maiatzaren 17an, LGTBI+fobiaren aurkako Nazioarteko Egunarekin bat egingo dugu, pertsona guztien berdintasunaren eta duintasunaren aldeko etengabeko borroka gogorarazten digun eguna, sexu-orientazioa edo genero-identitatea alde batera utzita.

 

OMEk 1990ean homosexualitatea patologiatzat hartzeari utzi bazion ere [1], eta transexualitatea 2018an [2], oraindik bide luzea dago egiteko. Pentsa liteke arrazoi horiengatiko diskriminazioa, erasoak eta jazarpena iraganekoak direla, eta gaindituta daudela. Errealitatetik oso urrun: pertsonen bizitzako espazio guztietan daude oraindik. Baita, behin eta berriz salatu dugun bezala, lan-eremuan ere.

UPV/EHUri dagokionez: Unibertsitateetan aplikatu beharreko legedi berria oinarri hartuta, CCOOk aldarrikatzen du OSLU ez dadila erabili soilik langileen murrizketak egiteko aitzakia gisa, errektoretza-talde hori egiten ari den bezala. Gai honetan eta beste batzuetan ekar diezazkigukeen hobekuntzak ezartzeko erabili behar dela diogu.

Ildo horretan, eta Berdintasunerako Batzordearen baitan, CCOOk behin baino gehiagotan eskatu du OSLUren 43. artikulua aplikatzea, legean jasotako aniztasun-unitateak abian jar daitezen, LGBTI+ pertsonen eskubideak eta baldintzak defendatzeko. Aniztasun-unitate horietan, hain zuzen ere, berdintasun-unitateetatik bereizita egon beharko dute, eta legeak adierazten du aniztasunari, sexu-orientazioari edo bestelako diskriminazio-moduei buruzko gaiak berariaz egokitu behar direla.

CCOOn ez gara gutxiagorekin konformatuko: egoerari duen garrantzia eman nahi zaio, kolektibo horretan gertatzen den diskriminazioari aurre egiteko baliabide egokiak bideratuz.

Oro har:

Lehenik eta behin, "LGTBIfobia. Diagnóstico y herramientas para combatir el odio", maiatzaren 22an, 16:30ean, Youtuben jarraitu ahal izango duzuna.

CCOOk bere ekintza sindikal gisa antolatzen ditu horrelako ekitaldiak, kolektiboarekiko konpromisoan. LGTBI+ pertsonen eskubide-berdintasunaren printzipioa bermatzeko egiten dugu, lan-eremuan LGTBIfobiaren aurkako jarrera aktibo eta prebentiboa sustatuz, eta enplegua, lan-sustapena, prestakuntza eta abar berdintasunez lortzeko eskubidea aitortuz. LGTBI+ gazteek lana lortzen dutenean edo lortu nahi dutenean, askotan LGTBIfobiarekin eta diskriminazio gordinenekin egiten dute topo. Hor ikusten da sindikatua antolakuntzarako eta eskubideen aldeko borrokarako tresnarik onena dela. Horregatik, 2024 honetan, M17ko kanpaina sustatu nahi dugu Gazteria eta Emakumeen, Berdintasunaren eta Lan Baldintzen idazkaritzek batera, Gorrotoaren aurka #OrganizazioaTuOrgullo goiburuarekin.

Urteetan zehar, LGTBI+ pertsonen eskubideak sendotzeko eta bermatzeko legeria garatu da, diskriminazioa eta jazarpena desagerrarazteko neurriak ezarriz, eta arau-hausteak tipifikatuz eta zehatuz. Baina oraindik asko dago egiteko.

CCOOk trans pertsonen berdintasun erreal eta eraginkorrerako eta LGTBI+ pertsonen eskubideak bermatzeko otsailaren 28ko 4/2023 Legearen 15. artikulua erregelamendu bidez garatzearen aldeko apustua egin du, pertsona guztien oinarrizko eskubideak babestuko dituena lantoki guztietan, enpresa txikietan barne. Hala defendatzen ari da sindikatua Elkarrizketa Sozialean.

Badakigu diskriminatzaileak izan daitezkeen egoerak saihesteko, indarkeriazkoak ez direnean, LGTBI+ pertsonek hainbat "estrategia" hartzeko joera dutela lanetan: auto-segregazioa lan-merkatuan, nortasuna ezkutatzea eta ikusezin bihurtzea, lan-eskubideei uko egitea eta/edo identitatea nahitaez atzeratzea..., eta horrek ondorio gaiztoak eragiten ditu pertsonen osasunean.

Horregatik, maiatzaren 17a inoiz baino garrantzitsuagoa da lantokiak, langileen lan-ordezkaritzak eta CCOOko atal sindikalak #OrganizatuTuOrgullo gorrotoaren aurkako kanpainarekin bat egitea, LGTBI+ pertsonen eskubideak defendatzea berdintasunaren eta duintasunaren balio unibertsalak defendatzea baita.

 

CCOO UPV/EHUko LGTBI+ kolektiboaren defentsan!AFILIATU CCOO: ONDO DATORKIZU!!

 94 601 2437

ccooupv-bi@ehu.eus