Berritasunak baimenei dagokienez

 

Estatuko 2021eko Aurrekontu Orokorrak onartu eta argitaratu ondoren gertatu diren aldaketa batzuen berri eman nahi dizuegu. Aldaketa horiek baimen batzuei eragiten diete.

Zehazki, Enplegatu Publikoaren Oinarrizko Estatutuaren (EPOE) 48. artikulua aldatu da, eta baimen berriak gehitu dira, horietako bat CCOOk asko eskatu duena eta gure lan-baldintzak nabarmen hobetzen dituena. Zehazki, etxeko arretagatiko baimenari buruz ari gara, aurrerapen handia dakarrena. Adibide gisa, horri esker, ziurtagiri mediko bat baduzu, kataratetan operatutako pertsona bat zaindu dezakezu, etab.


Argitu behar da aldaketa horiek gutxieneko eskubideak ezartzea dakartela. Hau da, hitzarmena gutxieneko horien gainetik badago, hitzarmena aplikatu beharko da.

Senideen gaixotasun larriagatik eta heriotzagatik aitortutako baimena EPOEren araudian modu honetan egokitu da:

• Odol-ahaidetasuneko edo ezkontza-ahaidetasuneko lehen mailako ahaide baten heriotzagatik, istripu edo gaixotasun larriagatik, ospitaleratzeagatik edo etxean atseden hartzea eskatzen duten ospitaleratzerik gabeko ebakuntza kirurgikoagatik, 3 egun balioduneko baimena izango da herrian gertatu bada, eta 5 egun  balioduneko baimena beste herri batean gertatu bada.
  
• Odol-ahaidetasuneko edo ezkontza-ahaidetasuneko bigarren mailara arteko  ahaideen kasuan, 2 egun balioduneko baimena izango da udalerrian bertan gertatu bada, eta 4 egun balioduneko baimena beste udalerri batean gertatu bada.