ALDI BATERAKO SEIURTEKOAK: CCOOren ESKARIA ESTIMATZEN DA
CCOOk irabazitako epaiak dio irakasle atxiki bat aurkeztu daitekeela UNIBASQen seiurtekoen ebaluaziora
Gaur jaso dugu, lehen auzialdian, Gasteizko administrazioarekiko auzien epaitegiaren epaia, CCOOri arrazoia ematen diona. Unibasq-eko zuzendaritzaren aurkako helegitea onartu du epaimahaiak, eta, horrela, irakasle atxiki bat aurkeztu ahal izango da bere ikerketa-jardueraren ebaluaziora (Seiurtekoak).
Bitxia da UPV/EHU epaiketan alderdi interesdun gisa agertu ez izana, eta ez dakigu zergatik.
Asko pozten gara aldeko lehen epai honekin [1]. Hala ere, lehen auzialdiko epaia da, eta espero dugu Unibasq-ek ez errekurritzea eta txalogarria dena bere gain hartzea: aldi baterakoek, guztiek, beren ikerketa-jardueran ebaluatzeko eskubidea dutela.
Bestalde, epai horrek UPV/EHUri arrazoiak eman behar dizkio gai horri buruz hausnar dezan. Gure ustez, UPV/EHUk irtenbide duina eman behar dio egoera horri, eta Unibasq-i eskatu behar dio atea ireki dezala, azkenik, ikerketa-merituak dituzten langile guztiak ebaluatu ahal izateko.
Espero dugu hau izatea aldi baterako langileen aldeko beste epai askoren artean lehena, eta, azkenik, pertsona horiek beren eskubideak baliatu ahal izatea. Sentitzen dugu berriro ere epaitegietara jo behar izatea langileen eskubideak baliatzeko. CCOOren ustez, negoziazio-bideak lehentasuna izan behar du, baina unibertsitate hau tematuta dago guri irtenbide judiziala baino ez uztearekin. Horregatik, jarrera aldatzeko eskatzen diogu EHUri.
[1] Euskadiko lehen epaia. Estatuan askoz gehiago irabazi dugu
Prestatu eta antolatu zure eskubideak defendatzeko!!!
iruzkinik ez:
Argitaratu iruzkina