SEXU-JAZARPENAREN ETA SEXUAGATIKO JAZARPENAREN BEHATOKIA

CCOOren Sexu Jazarpenaren eta Sexuagatiko Jazarpenaren Behatokia sortu da

Estatuan sexu-jazarpena jasan duten bost emakumetik bat lantokian izan da: https://observatorioacoso.ccoo.es 

Duela egun batzuk, CCOOk abian jarri duen Sexu Jazarpenaren eta Sexuagatiko  Jazarpenaren Behatokia aurkeztu da. Ekimen aitzindari horren bidez, ezkutuan bezain ezkutuan dagoen indarkeria hori salatu eta ikusarazi nahi du sindikatuak. Berdintasun Ministerioak egindako Emakumeen aurkako Indarkeriari buruzko 2019ko Makroinkestaren datuen arabera, Espainian bizi diren 16 urteko edo gehiagoko emakumeen % 40,4k sexu-jazarpena jasan du bizitzako uneren batean. 8.240.537 emakumek jasan dute jazarpena bizitzako uneren batean, eta bostetik batek lan-eremuan. Guztira, 1,4 milioi emakume baino gehiago izango lirateke.

 

CCOOko Emakumeen, Berdintasunaren eta Lan Baldintzen idazkariak, Carolina Vidalek, aurkezpenean, nabarmendu du garrantzitsua dela laneko sexu-jazarpena eta sexuan oinarritutako jazarpena genero-indarkeriatzat hartzea, 2007ko Gizonen eta Emakumeen arteko Berdintasun Eragingarrirako Legea eta, batez ere, 2022ko “solo sí es sí” Legea oinarri hartuta.

Behatoki horren bidez, gai horri buruzko informazio homogeneo eta sistematikoa biltzeko, aztertzeko eta zabaltzeko organo gisa balioko duen gune bat sortu nahi du CCOOk. Horrez gain, legediak eta protokolo-ereduak eman nahi ditu, eta gomendioak eta proposamenak egin, lan-eremuan sexu-jazarpenarekin eta sexuagatiko jazarpenarekin lotutako adierazleak eta informazio-sistemak hobetzeko.

Jazarpen mota horiek ikusarazteko CCOOren Sexu Jazarpenaren eta Sexuagatiko Jazarpenaren Behatokiaren tresna nagusietako bat observatorioacoso.ccoo.es webgunea izango da.

Behatoki horren bidez, tresna hobeak ematen zaizkie negoziazio kolektiboan parte hartzen duten pertsonei, gai horretan lan eraginkorragoa egin ahal izateko, eta herritarren eskura jartzen da harremanetarako formula bat, lehen orientazio bat jasotzeko.

CCOOn, baliabide baliotsu hori sindikatuko afiliatu guztiek eta, oro har, langile guztiek ezagutzea nahi dugu. Behatokiarekin lankidetzan aritzen diren adituen sare zabalari balioa eman nahi diogu. Horietako batek, Elena Casado UCMko soziologiako irakasleak, parte hartu du haren aurkezpenean.

Casadok adierazi duenez, #VamosAContarlo kanpainako hashtag oso ondo deskribatzen du ekimen honekin lortu nahi dena: "Kontua ez da emakumeari zer egin behar duen esatea, baizik eta bere ondoan gaudela sentitzea, berak egin nahi duen horretan oinarrituta."

CCOOk Behatokia martxan jartzea erabaki du 2021eko gure txostenaren ondorioen ondoren, Sexu-jazarpena eta sexuan oinarritutako jazarpena Espainian [76 or. PDF], Genero Indarkeriaren aurkako Gobernu Ordezkaritzarekin batera egina.

 

UPV/EHUko CCOOren atal sindikalari dagokionez, eta arlo horretan egiten ari garen lanari jarraiki, joan den astean bi ordezkari joan ginen Madrilgo Unibertsitate Autonomoaren instalazioetako FECCOOren Jardunaldietara. Jardunaldi horietan, unibertsitateetako langileentzat garrantzi handia duten beste gai batzuen artean, "Unibertsitate publikoetako berdintasun-planei" buruzko prestakuntza-jardunaldi batera joan ginen, eta bertan esperientziak eta ezagutzak trukatu ahal izan genituen estatuko unibertsitate askotako ordezkari sindikalen artean.

 

Era berean, datorren azaroaren 24an, Emakumeen Aurkako Indarkeria Ezabatzeko Nazioarteko Egunaren bezperan, atal sindikaleko 3 ordezkari "Sexu jazarpepenik gabeko lanpostuak" jardunaldietan izango gara Bilbon. Jardunaldi hauek oso egitarau interesgarria dute eta manifestazio batekin amaituko da. Ekitaldia irekia dago parte hartu nahi duen ororentzat eta, beraz, hurbiltzera animatzen zaitugu. Jardunaldiei buruzko informazio guztia irudian duzu.