KARGUA UZTEAGATIKO KALTE-ORDAINA

KARGUA UZTEAGATIKO KALTE-ORDAINA: EGIN ZURE ESKAERA

PROZEDURA, AZALDUTA

UPV/EHUko CCOOko Atal Sindikala atzo, hilak 12, jarri ginen harremanetan Langileen Gerenteordetzarekin, 20/2021 Legeak 2.6 artikuluan egonkortzean plazarik lortu ez duten langileei aitortzen dien konpentsazioa (kalte-ordaina) eskatzeko prozedura azal ziezaigun, ez baitzegoen erabat argi, eta gai horrek nolabaiteko kezka sortzen baitie pertsona horiei horri buruzko ziurgabetasunaren aurrean.

Gerenteordetzak berehala erantzun digu honako hau:

• 20/2021 Legearen 2. artikuluan aurreikusitako konpentsazio ekonomikoaren xede diren pertsonek eskaera bat egin behar dute erregistro elektronikoaren bidez, langileen gerentziari edo gerenteordetzari zuzenduta.
• Legeak ez duenez epe espezifikorik ezartzen zenbateko horien erreklamazioa egiteko, zenbateko horien erreklamazioa eskatzeko epea orokorra izango da.
• Lan-kontratuko langileei dagokienez: Langileen Estatutuaren 59. artikuluak ezartzen duenez, "Epe berezirik ez duten lan-kontratutik eratorritako ekintzak amaitzen direnetik urtebetera preskribatuko dira".
• Funtzionarioei dagokienez, epea 4 urtekoa da, Aurrekontuei buruzko azaroaren 26ko 47/2003 Lege Orokorraren 25.1 artikulua.

Gure ustez, informazio hori oso interesgarria da egonkortzean lanposturik lortu gabe kargugabetu diren langile guztientzat, batez ere UPV/EHUrekiko lan- edo funtzionario-harremanetik kanpo daudenentzat eta bertara iristeko zailtasunak izan ditzaketenentzat.

Langile horiei guztiei dei egiten diegu, konpentsazioa ez baita ofizioz aitortuko edo ordainduko, eskaera hori benetan egin dezaten eta, edozein arazoren aurrean, CCOOrekin harremanetan jar daitezen, egoeraren berri izan dezagun eta, hala badagokio, konpontzen lagun diezaiogun.

CCOO UPV/EHUko langileen defentsan!AFILIATU CCOO: ONDO DATORKIZU!!

 94 601 2437
ccooupv-bi@ehu.eus

 

Eskaneatu edo klikatu QR kodearen gainean