CCOOREN EGOITZA SINDIKALEN AURKAKO ERASOAK
Atzo goizean, martxoaren 12an, Arabako (ikasgelategia) eta Bizkaiko (Leioa) campusetako CCOOko Atal Sindikalaren egoitzetan gure erakundearen aurkako margoketa eta pankarta iraingarriak eta beldurgarriak agertu ziren.
📢 Partekatu ▾
⭕ Txostenaren Edukia
CCOOko Atal Sindikaletik UPV/EHUko langileengana jotzen dugu gertakari hauen berri emateko eta honako hau adierazteko:
1. Sindikal-koakzioaren gaitzespena
Duela gutxi UGT sindikatuak jasandako erasoak eta jazarpena publikoki eta modu irmoan gaitzetsi genuen bezala, gaur gure egoitzen aurkako ekintzak gaitzesten ditugu. Langileen ordezkaritza askatasunez egikaritzea oinarrizko eskubidea da, eta ezin du inolako presiorik, seinalatzerik edo ingurumen-koakziorik jasan.
2. Irmotasuna gure ekintzan
Eraso hauek, beldurtu beharrean, gure lanean berresten gaituzte. CCOOk UPV/EHUko langileen ordezkaritza egikaritzen jarraituko du rigoer eta irmotasun berarekin, Negoziazio Mahaietan plantillaren lan-baldintzak, finantzaketa justua eta legedia zorrotz betetzea defendatuz UPV/EHUko langileei eragiten dieten plan eta araudi guztietan, hizkuntza-politikari dagozkionak barne.
3. Erantzukizun instituzionalaren exigentzia
Gertakari hauen berri eman diegu ofizialki kaltetutako campusetako Errektoreordetzei, eta margoketa eta pankartak berehala kentzeko eskatu dugu, UPV/EHUari dagokion bezala enplegatzaile eta lan-eremuen bermatzaile gisa.
ERREKTORETZA-TALDEARI GAITZESPEN PUBLIKOA ESKATZEN DIOGU
"Unibertsitateko zuzendaritzak ezin du jarrera pasiborik izan ordezkaritza sindikalaren egoitzen aurkako eraso sistematikoaren aurrean."
Ulertzezina eta kontraesankorra litzateke UPV/EHUak segurtasun-neurri bereziak hartzea muturreko eskuineko formazio politikoen aurrean eta, aldiz, erantzun instituzional irmorik ez ematea talde antolatuek langileen ordezkari legalen lan-eremuari eraso egiten diotenean.
CCOOk ingurune unibertsitario segurua, plurala eta askatasun sindikalarekiko zein unibertsitate-komunitate osoarekiko errespetuzkoa modu eraginkorrean bermatzea exijitzen dio errektore-taldeari.
iruzkinik ez:
Argitaratu iruzkina