2025eko EPEa, 2026ko LANALDIA,  KARRERA ETA GEHIAGO

Atzoko, 2025eko azaroaren 26ko, negoziazio-batzordean TEKAZELko langileentzat oso garrantzitsuak diren gaiak jorratu dira, hala nola 2025eko EPEa, 2026rako lanaldia eta “urrutiko lana”. Honetaz gain, CCOOtik zuen interesekoak diren beste gai batzuen berri ematen dizuegu.

2025eko EPEa

Gerenteordetzak 2025eko Enplegu Publikoaren Eskaintza (EPE) onartzea proposatu du, guztira 40 plazarekin, beheko taulan agertzen den bezala (errelebo-kontraturako beste hiru plaza gehitu ahal izango dira, baldin eta aldez aurretik Eraldaketa Digitalerako eta Funtzio Publikorako Ministerioaren baimena lortzen bada).

CCOOk 2025eko EPEa 2023ko eta 2024ko EPEekin batera exekutatzea eskatu du, haren garapena Gobernu Kontseiluan onartu berri den eta EHAAn argitaratutako gutxienekoen akordioan ezarritako irizpideei lotzeko. Akordio hori oso onuragarria iruditzen zaigu aurreko EPEan plazarik lortu ez zenuten bitarteko langile guztientzat; izan ere, aurreko EPEaren formatuari eutsiko dio, eta horrek esan nahi du azterketak berriro ere galdera sortaren bidez egingo direla eta aurreko EPEan lortutako nota gordetzea ahalbidetuko dela, baldin eta lor zitekeen gehienekoaren % 70etik gorako nota lortu bada.

Orain zain gaude; sindikatu batzuk aurka agertu dira eta beste batzuek, Administrazioak berak bezala, denbora eskatu dute erabakia hartzeko, 2025eko EPEa onartzeari dagokionez, ea azkenean lortzen dugun 2023ko eta 2024ko EPEekin batera exekutatzea, adierazitako baldintzetan.

 

FUNTZIONARIOAK
Taldea	Eskala	Txanda librea	Barne-sustapena	Guztira
A	KUDEAKETAKO TEKNIKARIA	7		7
C	ADMINISTRARIA	7	2	9
D	ADMINISTRARI LAGUNTZAILEA	8		8
E	TEKAZELIALTERNOA	7		7
				Guztira:31

LAN-KONTRATUKO LANGILEAK
Taldea	Lanbide-kategoria	Txanda librea	Guztira
I	Ikerketako zerbitzu orokorretako goi-mailako teknikaria	1	1
	Kudeaketako goi-mailako teknikaria (1jp)	2	2
	IKT goi-mailako teknikaria (1jp)	1	1
III	IKT teknikari espezialista	2	2
	Kimikako teknikari espezialista (1JP)	2	2
IV	Osasun/Animaliategiko teknikari laguntzailea (1jp)	1	1
			Guztira:9

2026. URTEKO LANALDI-ZIRKULARRA

2026rako lanaldiaren negoziazioan, Administrazioak murrizketa onartezin bat jarri du mahai gainean. Gerentziak Gabonetako eta Aste Santuko itxierak kentzea kudeaketa pertsonaletarako ordu-poltsaren murrizketa zorrotzarekin lotu nahi du. Horrek zer dakarren argi uzteko, 30 orduko murrizketa garbia da (4 egun libreen baliokidea) eta lanaldiaren gehikuntza onartezina.

Proposamen hori ez da gai tekniko soila; lan-baldintzen arloan jarrera erabat erreakzionarioa erakusten du. Oso kritikagarria da "pertsonen zaintza" funtsezko zutabetzat aldarrikatzen duen errektore-talde batek atzerapausoa eta eskubideen murrizketa planteatzea, TEKAZELko langileek 2023tik jada finkatuta zuten eskubide batena.

CCOOtik erabateko arbuioa adierazi dugu. Ez dugu onartuko hauteskunde-programan agindutako ezer eman ez dion TEKAZELko langileen baldintzak okertzea. Pozten gara, CCOOren presioari esker, Gerenteordetzak bere proposamena berraztertuko duela adierazi duelako, bestela, ea azkenean "Lorerekin hobeto bizi ginen" esan beharko dugun.

Jarrera erreakzionario horren aurrean, CCOOk murrizketen aurka egiteaz gain, hobekuntzak proposatzen ditu berriro:

• Zerbitzuaren beharrak direla-eta txandetan lan egin behar duten langileei, lan egindako ordu bakoitzeko 2,5 orduko konpentsazioa izatea, oporrak etetearen kasuan bezala.
• Konpentsazio bera zerbitzuaren beharrak direla eta udako ordutegia egin ezin duten langileentzat.
• Positiboen artean, pozten gara CCOOren lanaldiaren malgutasunari buruzko proposamena kontuan hartu delako, ordutegi finko eta malgu batekin.
• Era berean, lanaldia aukeratzeko prozeduran osasun- eta/edo kontziliazio-arrazoiengatik lanaldia egokitzeko eskubidea errespetatzea eskatu dugu. Horrela, behar horiek dituzten pertsonek automatikoki baimenduta izango lukete aukeratutako lanaldia.

   

Aurretik aurkeztu dizkizuegun proposamen hauek eta beste batzuk defendatzen jarraituko dugu. Ez dugu onartuko, zaintza faltsu baten erretorikaren pean, gure eskubideen aurkako eraso bat ezkutatzea. [1] 

URRUTIKO LANA

Administrazioak urrutiko lanari buruzko akordio bat lortu nahi du. Kontzeptu horrekin –lege-araudian jasota ez dagoena, telelanarekin ez bezala– administrazioak erabakitzeko ahalmen handia gordetzen du beretzat, eskubide hori aitortzeko eta gauzatzeko baldintzei dagokienez.

CCOO ez dator bat administrazioaren hasierako planteamenduarekin, eta uste du proposamen hori erabat hobetu behar dela; izan ere, lanpostu telelangarriaren kontzeptuarekin bat gatozen arren (LPTan lanpostu bakoitzaren izaera telelangarria jasoko da), CCOOn telelana langileen legez babestutako eskubide gisa ulertzen dugu, aldiz, urrutiko lanaren proposamenaren edukitik ondorioztatzen dugu haren exekuzioa zerbitzuburuen mendeegi uzten duela.

Bestalde, CCOOk 3 eguneko telelana aldarrikatzen du (4 kontziliazio-arrazoiengatik), Administrazioak eskaintzen dituen GEHIENEZ 2 egunen aurrean (GEHIENEZ 3 kontziliazio-arrazoiengatik). Gainera, administrazioaren jarduteko ahalmena mugatzea nahi dugu, eskubide hori modulatzeko, zerbitzuburuen bidez une oro erabakitzen baitu asteko zein egunetan lan egin ahal izango den urrunetik, eta gehienez 7 eguneko aurreabisarekin eteteko aukera gordetzen baitu, baita oporraldietan ere. 

Ildo horretan, Gerenteordetzari jakinarazi diogu langileek lan-baldintzak urteko ikuspegian ezagutzeko egutegi bat ezartzeko betebeharra dagoela. Egutegiaren aldaketek salbuespenezkoak, arrazoituak eta konpentsatuak izan behar dute. Aurkeztutako proposamenak ez du zehazten zerbitzu bakoitzean gutxieneko zerbitzu presentzialak ezartzeko prozedura. Hori funtsezko gaia da, eskubide hori baliatzeko muga izango baita.

Ondorioz, proposamena bere horretan hasiera hutsa da, baina erabat hobetu behar da; izan ere, dagoen bezala (lanpostu telelangarriaren kontzeptua berritasun handitzat hartuta ere) atzerapausoa da, baita 2016ko Akordioarekiko ere. Lanpostu telelangarriak eta funtsezko gutxieneko zerbitzuak zehazteke daude, eta oraindik baliabide material asko falta dira (ordenagailu eramangarriak, lizentziak) LPTan bere lanpostua telelangarri gisa identifikatuta izango lukeen TEKAZEL guztira zabaltzea errealitate bihurtzeko. Bide irekia da, eta CCOOk ekarpenak egingo ditu eta ahaleginak egingo ditu, hala nahi duen TEKAZELko langileak lan-modalitate horretan ahalik eta baldintza onenetan jardun dezan. 

UPV/EHUk estatuko eta euskal administrazioetako atzeko bagoian egoteari utzi behar dio, dagoeneko salatu dugun bezala [2].

 

LEKUALDATZE-LEHIAKETA

Atzo, hilak 26, amaitu zen lekualdatze-lehiaketarako eskabideak aurkezteko epea, eta webgunean argitaratutako FAQen bidez egiaztatu dugu administrazioak estatuko araudira jo duela, duela gutxi barne-sustapen bidez lanpostua lortu duten langileen lekualdatze-lehiaketarako sarbidea mugatzea justifikatzeko.

CCOOtik administrazioari ohartarazi genion ez genuela pisu handiko legezko arrazoirik aurkitzen bi urteko muga hori ezartzeko, hornikuntzan parte hartu nahi duten lan-kontratuko langileentzat ez dagoen bezala. Gure erreferentziazko legea, Enplegu Publikoaren Euskal Legea, oso esplizitua da bi urteko muga ezarri nahi duenean, eta hainbat artikulutan egiten du beste kasu batzuetarako. Hala ere, ez dago inolako aipamenik murrizketa hori bera ezartzen duenik sustapena lortu duten eta lekualdatze-lehiaketa batean parte hartu nahi duten pertsonentzat. Isiltasun hori ez da ahanztura bat: euskal legegileak muga hori ez zuela ezarri nahi froga argia da. 

Gerentziak, aldiz, bere FAQetan, izaera osagarria duen 1995eko estatuko erregelamendu bat aplikatu du, zehazki, martxoaren 10eko 364/1995 Errege Dekretuaren 45.2 artikulua. Araudi hori Estatuko Administrazio Orokorreko funtzionario zibilentzat da, eta UPV/EHUko langileei izaera osagarriarekin aplikatzen zaie. Hori oso zalantzagarria da kasu honetan; izan ere, egia bada ere erregelamenduak berak bere izaera osagarria aipatzen duela, gure langileei Enplegu Publikoaren Euskal Legea (EPEL) aplikatu behar zaie, bere artikuluetan lanpostuak eskuratzeari eta betetzeari buruzko guztia aurreikusten baitu.

Zergatik aplikatzen du Gerentziak EPEL baino maila txikiagoko araudi osagarri bat sustapena lortu duenaren lehiaketarako sarbidea mugatzeko? Zergatik ez da mugatu gure euskal legediak gure langileei murrizketarik ezarri nahi izan ez diela interpretatzera?

Gure ustez, interpretazio murriztailea egin da, urteak daramatzaten TEKAZELko langileen kaltetan, eta, lortzen dutenean, lekualdatze-lehiaketan ezin dutela parte hartu ikusten dute.

KONTSILIAZIO-ARLOKO ERREKLAMAZIO-BATZORDEA

CCOOk batzordea eratzea eskatu ondoren —gai honetan Klaustroan presio egin behar izan genuen—, azkenean Gerentziak kontsiliazio-arloko erreklamazio-batzordea eratuko du. Bertan, zuek guztiek zuen kexa aurkeztu ahal izango duzue arlo horretako baimenak ukatzen zaizkizuenean. Batzorde horretan bi sindikatu txandaka gaude, eta, beraz, zuen eskubideak betetzen direla zaindu ahal izango dugu. 

 

NEGOZIAZIO-KRONOGRAMA: HAUTESKUNDE-PROMESAK 2027rako GELDITZEN DIRA

Administrazioak datozen bi urteetarako negoziazio-kronograma bat aurkeztu digu, eta, lasaitu beharrean, aurreratzen genituenak berresten ditu. Egutegi horretan, TEKAZELentzat lehentasun handienekoak diren eta errektore-taldearen funtsezko promesak ziren gaiak, hala nola Lanbide Karrera eta Erreferentziazko Plantilla, 2027. urteko etorkizun zalantzatsu batera baztertuta geratu dira.

Onartezina da, beste gai batzuetara baliabideak bideratzen diren bitartean, TEKAZELren prekarietatearekin eta geldialdi profesionalarekin amaitu behar duen negoziazioa data zehatzik gabe atzeratzea. Gure azken oharrean salatu genuen bezala, "Errektoretzak TEKAZEL sakrifikatzen du", non CCOOk TEKAZELren ahotsa Eusko Legebiltzarrera nola eraman duen kontatzen dizuegun, erabaki honek langileen egiturazko arazoei heltzeko borondate politiko falta erakusten du.

CCOOtik erabateko lehentasuna ematea exijitu dugu Lanbide Karrerari, Lanpostuen Balorazioari eta benetako Erreferentziazko Plantilla baten definizioari, horiek baitira gure lan-baldintzen edozein hobekuntzaren oinarriak. Gai horiek atzeratzen jarraitzea iseka egitea da urteak daramatzan plantillari irtenbideak itxaroten.

 

 ¡CCOO, UPV/EHUko langileen defentsan!

AFILIA ZAITEZ CCOO-ra: INTERESGARRIA ZAIZU

94 601 2437
ccooupv-bi@ehu.eus

Eskaneatu edo egin klik QR kodearen gainean

ERREKTORETZAK TEKAZEL SAKRIFIKATZEN DU: PLAZA BERRIEI UKO EGIN ETA KARRERA HORIZONTALA IZOZTEN DU

Errektoreak ez du betetzen urtero 200 plaza sortzeko hauteskunde-promesa eta 28 baino ez ditu eskatzen; Karrera Horizontala izozkailura kondenatzen du, kasurik onenean 2026ko amaierara arte; eta benetako inbertsioaren ordez edukirik gabeko "soldata emozionala" eta "zaintza" bezalako erretorika erabiltzen du.

Duela aste batzuk, CCOOtik ohartarazi genuen Errektoretzaren estrategia mediatikoak konfrontazio antzu bihurtzeko arriskua zuela, titularretan emaitzetan baino zentratuagoa, eta kaltedun nagusia UPV/EHUko Langileria izango zela [1]. Zoritxarrez, Joxerramon Bengoetxea Errektoreak Eusko Legebiltzarrean egindako agerraldiak diagnostiko hori berretsi du: asteetan zehar sortutako zaratak ez du negoziazioa indartzeko balio izan, baizik eta barne-kudeaketa bat ezkutatzeko; izan ere, kudeaketa horrek uko egiten die plantillaren egiturazko beharrei mahian eseri baino lehen.

Joxerramon Bengoetxea Errektoreak joan den azaroaren 19an Eusko Legebiltzarrean egindako agerraldiak alderdi askotan kezkatzen gaitu.

 

1. TEKAZEL: UKO HANDIA

TEKAZELen kudeaketak murrizketa drastikoa jasan du: 

Promesa: Bere hauteskunde-programan, egungo errektoretza-taldeak hitzeman zuen urtero 200 plaza sortuko zituela, CRUEk gomendatzen duen 1:1 ratiora hurbiltzeko.

Gogorarazten dugu, Gardentasun Atariko datuen arabera, UPV/EHUn 5.901 IIP eta 1.936 TEKAZEL daudela; beraz, 3.965 TEKAZEL gehiago behar dira.

Errealitatea: Bere ahozko azalpenean, Errektoreak adierazi zuen, "esfortzu oso handia denez", 28rako finantzaketa baino ez eskatzea erabaki duela. Hitzez hitz honela adierazi zuen Errektoreak:

"Eta gero daukagu teknikarien beharra. Teknikarien beharra lehen aipatu dut, 150. Bale, ez dira 150. Konturatzen gara hori kopuru oso handia dela eta esfortzu izugarria beharko lukeela. Guk gutxitu dugu 28 teknikari…"

Errektoretzak uko egin dio bere hauteskunde-programari eta egiturazko beharrei negoziatzen eseri baino lehen. Nork hartuko du bere gain uko egin dieten plazen lan-karga? Egungo plantillak.

Gainera, Langileen Legezko Ordezkaritzarekin kontatu zitekeen TEKAZELen beharrak aztertzeko.

  Joxerramon Bengoetxea Errektorea bere agerraldian 

 

2. ZATIKETAREN ESTRATEGIA

Errektoretza bere lehentasunak justifikatzen saiatzen da kolektiboak aurrez aurre jarriz. Legebiltzarreko agerraldian, Errektoreak hitzez hitz esan zuen "irakasleek hasieran kategoria bereko langile teknikoek dituztenak baino soldata-baldintza kaskarragoak dituztela".

CCOOtik, klaseko sindikatu gisa, gauza bat oso argi utzi nahi dugu: ez dugu onartuko batura zeroko estrategia arriskutsu hau eta UPV/EHUko Langileen kolektibo ezberdinen arteko liskarra. Errektoreari zuhurtzia eskatzen diogu TEKAZELen baldintzak hobetzeko neurririk eza justifikatzeko aitzakia gisa interpreta daitezkeen konparazio mota horiekin. CCOOtik hau adierazi nahi dugu:

• Presazkoa da IIPen oinarrizko soldatak igotzea; izan ere, unibertsitateaz kanpoko hezkuntzakoak baino txikiagoak dira, baita Euskal Unibertsitate Sistemako unibertsitate pribatuetako irakasleenak baino txikiagoak ere, eta hori aspalditik salatzen ari gara [2].
• Baina egia da, eta premiazkoa, TEKAZELen soldatak beste euskal administrazio batzuetakoak (Udalak eta Aldundiak) baino txikiagoak direla, urte hasieran komunikatu honetan salatu genuen bezala [3]. Kolektibo baten hobekuntza ezin da oinarritu bestearen geldialdian.

 

3. % 0,1AREN LOTSA ETA TEKAZELEN KARRERA HORIZONTALAREN PARALISIA

Errektoreak prezioa jarri zion etxeko prekarietate muturrekoenarekin amaitzeari (13. eta 14. mailak igotzea): 500.000 euro. Kostua hain irrigarria bada (aurrekontu osoaren % 0,1), hori jada ez egitea prekarietateari eusteko erabaki politikoa da. Eta hemen amaitzen da errektoretza-talde honek TEKAZEL guztientzat soldata-hobekuntzari dagokionez eskaintzen duena.

Eta Karrera Horizontalari buruz ari bagara, kezkagarriena egutegia da: joan den azaroaren 20ko Klaustroan, baieztatu zen Karrera Horizontala jorratzen hasteko asmorik ere ez dutela 2026ko hirugarren hiruhilekora arte.

Gogorarazten dugu Karrera Horizontala aukera ematen duen sistema bat dela, ekonomikoki aurrera egiteko eta soldata hobetzeko lanpostuz aldatu edo promozionatu beharrik gabe. Bestela esanda, denboran zehar pilatzen duzun esperientzian, eskuratzen dituzun ezagutzetan eta zure lanpostuan egiten duzun jardun onean oinarritutako ordainsari gehigarri baten bidezko aitorpena da.

Hori dela eta, CCOOk salatzen du: ez da zirriborrorik ez dutela, baizik eta ez dutela planik horretan lanean hasteko 2026ko hirugarren hiruhilekora arte. Karrera Horizontala LOSUren eta EBEParen agindua da, eta hasiera 2026ko amaierara atzeratzea TEKAZELari adarra jotzea da.

Jon Hernandez, Ezker Anitza-IU legebiltzar-taldekoa

  

4. ELEBITASUNAREN "KUTXA BELTZA": LITERATURA ASKO, EURO BAT ERE EZ

Errektoretzak LOSU erabiltzen du ezkutu erretoriko gisa, gogoraraziz legeak finantzaketa gehigarria ahalbidetzen duela UPV/EHUren berezitasun linguistikoarentzat. Hala ere, egiaren orduan, ez da prezioa jartzen ausartzen.

• Datua: Aurrekontu-banaketan, Euskararako partida espezifiko bakarra 525.000 €-koa da (prestakuntzarako eta planetarako).
• CCOOren Galdera: Errektoreak uste al du unibertsitate elebidun bat mantentzea, irakaskuntza-taldeak eta administrazio-izapideak bi hizkuntzatan bikoiztuz, milioi erdi euro baino ez dela kostatzen?
• Ondorioa: Elebitasunaren benetako egitura-kostua (plantilla eta baliabideak bikoiztea) kuantifikatuko duen Memoria Ekonomikorik aurkezten ez denean, eta partida hori finantzaketa finalista eta gehigarri gisa eskatzen ez denean, Errektoretzak ahalbidetzen du egiturazko gastu horrek aurrekontu arrunta jatea.

CCOOk eskatzen du Memoria Ekonomikoa aurkez dadila, CCOO Eusko Jaurlaritzari eskatzen ari zaiona. Unibertsitate pribatuek errentagarritasunaren arabera aukeratzen dute beren hizkuntza; publikoak, aldiz, kostu soziala bere gain hartzen du euskal herritarrek goi-mailako hezkuntzarako duten eskubidea bermatzeko. Kostu hori aparte finantzatzen ez bada, langileak ari dira ordaintzen beren soldata-prekarietatearekin.

Jon Hernandez, Ezker Anitza-IU legebiltzar-taldekoa

 

5. CCOOk TEKAZELEN AHOTSA ERAMAN DU EUSKO LEGEBILTZARRERA

Presio instituzionaleko estrategiari eta CCOOk egindako txosten teknikoei esker, isiltasunaren harresia haustea lortu dugu. TEKAZELen aldarrikapen historikoak unibertsitateko korridoreetan entzuteaz gain, indartsu sartu dira eztabaida parlamentarioan.

Agerraldian, Errektorearen eta Eusko Jaurlaritzaren aurrean CCOOk dokumentatu dituen datu zehatzak azaldu ziren: beste administrazio batzuekiko 6.000 euroko soldata-arrakala, Estatuko plantilla-ratio txarrena izatearen lotsa eta Errektoretzak baztertu duen benetako negoziazio kolektiboa berreskuratzeko exijentzia.

 

6. ERREKTOREA "ARIETE POLITIKO" GISA ETA FALTSUZKO AHOBATEZKOSTASUNA

Unibertsitateetako Sailburuak Errektorearen estrategia "ariete politiko" gisa kalifikatu zuen eta, zoritxarrez, gertaerek adierazten dute erakundea unibertsitateaz harago doan gerra alderdikoi baterako erabiltzen ari dela, unibertsitatearen kudeaketarako beharrean.

Azken Klaustroan, Errektorea bere sindikatu kideek (LAB eta Steilas) sustatutako finantzaketari buruzko adierazpen bat baiezpen bidez (botaziorik gabe) onartzen saiatu zen. Maniobra itsusi eta interesatua izan zen, "batasun monolitikoko" irudi artifizial bat fabrikatzeko eta Klaustroa Eusko Jaurlaritzaren aurrean ezkutu gisa erabiltzeko, kudeaketan duen erantzukizuna lausotuz.

Kanpoan gardentasuna eskatzen den bitartean, Errektorea ez zen gai izan, edo ez zuen nahi izan, langileen ordezkarien galderari erantzuteko: egungo aurrekontuaren benetako betearazpen-ehunekoa.

CCOOtik finantzaketa publiko handiagoa eskatzen dugu, baina uko egiten diogu kudeaketa opako bati txeke zuri bat emateari. Bozketa behartzean ikusi ahal izan zen Errektorearen kudeaketaren babesa aho batezkoa izatetik urrun dagoela: 86 babes, 15 boto kontra eta 21 abstentzio, 243 kidek osatutako foro batean, Klaustroan.

7. MEHATXU EZKUTUA: IKASLEEN POLTSIKOAREKIN FINANTZATZEA?

Bere hauteskunde-programan, egungo errektoretza-taldeak onartzen zuen "matrikulen prezioak altuak" direla eta ikasleen "zaurgarritasun ekonomikoari" eragiten ziotela. Hala ere, Legebiltzarrean, Errektoreak oso aurpegi ezberdina erakutsi zuen.

Batzordearen aurrean, tasak eta matrikulak finantzaketarako "tresna oso baliotsutzat" jo zituen eta hitzez hitz esan zuen: "uste dugu hor jokoa (hobetzeko tartea) badagoela". Orain dirua etsi-etsian bilatzen ari denean, tasetan "jokoa" dagoela aipatzea ate ireki oso arriskutsua da.

CCOOk ohartarazten du hau LERRO GORRIA dela. Unibertsitate publikoa Administrazioaren (Eusko Jaurlaritza) aurrekontuekin finantzatzen da, ez familia langileen poltsikoan eskua sartuz eta aukera-berdintasunerako funtsezkoa den mekanismo bat murriztuz. Ez dugu onartuko "finantza-nahikotasuna" goi-mailako hezkuntzako sarbidea garestitzearen kontura lortzea.

 

ONDORIOA

Errektoretzak aurrekontu bat aurkeztu du, "Pertsonen Zaintza" lelo politaren azpian TEKAZELen abandonu materiala ezkutatzen duena. Erretorika eta "soldata emozionala" eskaintzen dizkigute, baina zero euro aurrekontatzen dituzte gure Karrera Horizontalerako eta gure Lanpostuen Baloraziorako.

CCOOtik ozen eta argi diogu: Eslogan gutxiago eta eskubide gehiago.

Ez dugu behar hitzekin "zain" gaitzaten; legea betetzea behar dugu, zor diguten Karrera Horizontala aktibatuz, beste administrazio batzuen pareko bidezko soldata ordainduz eta lanean gaixotu ez gaitezen behar ditugun egiturazko plazak betez.

Dignitatea ez da "pertenentzia-sentimenduarekin" ordaintzen, nominan eta lan-baldintzetan ordaintzen da.

 

 ¡CCOO, UPV/EHUko Langileen defentsan!

AFILIATU CCOOra: ONDO DATORKIZU!

94 601 2437
ccooupv-bi@ehu.eus

Eskaneatu edo egin klik QR kodearen gainean

GURE TXANDA, UPV/EHUko EMAKUMEAK: PREBENTZIOA, NOIZKO?

Azaroaren 25 honetan, Emakumeen aurkako Indarkeria Desagerrarazteko Nazioarteko Egunean, CCOOren UPV/EHUko Atal Sindikaletik bat egiten dugu konfederazioaren leloarekin: #GureTxanda. Guri txanda da, indarkeria matxistak ez direlako UPV/EHUko atean geratzen; gure sailak, ikasgelak eta zerbitzuak zeharkatzen dituztelako, askotan salaketa zailtzen duten botere-egitura hierarkikoek babestuta.

1. Gure lantokietako errealitate ikusezina

UPV/EHU ez da gizartetik kanpo dagoen burbuila bat. Emakumeok indarkeria fisikoa edo sexu-jazarpen esplizitua jasan dezakegu, baina beste indarkeria mota batzuen biktima ere bagara, intentsitate txikiagokoak baina maiztasun handikoak: tentsioak, suminkortasuna, gutxiespen profesionalak eta harreman desorekatuetatik eratorritako antsietatea.

CCOO-tik gogorarazten dugu hauek ez direla "arazo pertsonalak", laneko arriskuak baizik. Legea argia da: enpresak behar bezala babesten ez duenean, Lan Ikuskaritzak esku har dezake, Lan Arriskuen Prebentzioari buruzko Legea hausteagatik zehapenak ezarriz.

Era berean, sexu-askatasunaren berme integralari buruzko irailaren 6ko 10/2022 Lege Organikoak, 12. artikuluan, lan-inguruneko sexu- eta/edo indarkeria moralen arrisku-faktoreen prebentzio integralerako betebeharra ezartzen du. Betebehar horrek delituak saihesten dituzten lan-baldintzak sustatzeaz gain, sexu-askatasunaren eta osotasun moralaren aurkako edozein jokabide ere barne hartzen du.

Azpimarratzekoa da emakume langileek betetako lanpostuen arriskuen ebaluazioan sexu-indarkeria sartzera behartuta daudela, langileei modu eraginkorrean prestakuntza eta informazioa emanez.

Prebentzio-neurri horiek guztiak langileen legezko ordezkariekin negoziatu behar dira.

UPV/EHUn, ez dira negoziatu 10/2022 Lege Organikoak ezartzen dituen emakumeen aurkako indarkeriaren prebentzio-neurriak; beraz, emakumeen aurkako indarkeriaren prebentzioari buruzko araudi espezifikoa ez da betetzen.

2. CCOO: Tresnak, prestakuntza eta "Leihatila Bakarra"

Erakundeari eskatzen diogun bitartean, CCOO-k jarduten du.

Gure ordezkariek sarritan parte hartzen dute hainbat forotan, gai honetan trebatzeko eta eguneratzeko. Horren adibide da Ana Alonso eta Begoña Palacios gure lankideak joan den azaroaren 5ean Osalanek antolatutako lan-eremuko indarkeria matxistari buruzko Jardunaldietara joan izana.

Emakundek eta Eusko Jaurlaritzako Ekonomia, Lan eta Enplegu Sailak irailaren 17an antolatutako soldata-arrakalari buruzko IV. Nazioarteko Biltzarrera ere joan ginen.

Helburua etengabeko prestakuntza da, behar duten lankideak hobeto detektatzeko, laguntzeko eta aholkatzeko.

Gainera, CCOO-k tresna erabilgarriak jartzen ditu lankide guztien eskura, hala nola gure Sexu Jazarpenaren eta Sexu Arrazoiengatiko Jazarpenaren Behatokia, informaziorako eta salaketa segururako funtsezko baliabidea.

Aurten, CCOO-k Gida sindikal bat prestatu du genero-indarkeriaren eta sexu-indarkeriaren aurkako baliabide eta eskubideei buruz

Indarkeria matxistaren aurkako gure ekintza sindikalaren ikuspegia integrala da, eta prebentzioaren eta antolaketaren ikuspegitik ere heltzen diogu gaiari. Badakigu burokraziak, gehiegizko kanalek eta informazio faltak, askotan, birbiktimizatu egiten dutela. Emakumeek ez dute zertan unibertsitateko organigrama konplexua ezagutu behar nora jo jakiteko.

Horregatik, CCOO-k formalki proposatu dio Idazkaritza Nagusiari, proposamen teknikoa barne, Leihatila Bakar instituzional bat sortzea, eta espero dugu lehenbailehen negoziatu eta ezartzea. Hona hemen gure komunikatuaren esteka.

Hala ere, mezu argi bat zabaldu nahi dugu: ez izan zalantzarik, emakume langile batentzako "leihatila bakar" onena bere sindikatua da eta izaten jarraituko du. CCOOn gune seguru eta konfidentziala aurkituko duzue, non babesa, aholkularitza eta laguntza jasoko dituzuen.

3. Erakundea: Berandu eta aurrekontua gauzatu gabe

Zoritxarrez, gure proaktibitatea eta emakumeen eta gizonen arteko Berdintasunerako Zuzendaritza berriaren erritmoa ez datoz bat. Eskertzen dugu haien zintzotasuna barkamena eskatzeagatik UPV/EHUn emakumeen eta gizonen arteko berdintasuna zaintzeaz arduratzen den Batzordea abenduaren 19ra arte deitu ez izanagatik. Gogorarazten dugu Batzorde hau 2024ko uztailean deitu zela azkenekoz.

Hala ere, salatu behar dugu berdintasunak eta indarkeria matxistaren prebentzioak ez dutela atzerapenik onartzen.

Gauzak horrela, A25 honetara iritsi gara errektoretza-taldearen kudeaketaren balantzearekin, eta Klaustroan salatu dugu:

• Berdintasunari buruzko partidak gauzatu gabe: Errektoretza-taldeak berak aitortzen du 2024an eta 2025ean ez dela gauzatu Berdintasun Planean aurreikusitako langileen partida. Horrek esan nahi du Planaren langileei buruzko lan-neurriak ez direla gauzatu. Gogoratu behar da berdintasun-planak, lan-baldintzei dagokienez, arau-izaera duela, hitzarmen kolektibo baten maila berean.
• Emakumeen eta gizonen arteko berdintasunari buruzko Inpaktu-txostenik eza. Genero-inpaktuari buruzko txostenak zein organok egiten dituen eta zergatik ez zaizkien ordezkaritza sozialari ematen jakin nahi dugu. Txosten horiek beharrezkoak dira araudi, deialdi eta bestelako lan-neurri berriek UPV/EHUko emakumeen karrera profesionalean eta, beraz, soldata-arrakalan eragin negatiborik izan ez dezaten. Emakumeok jasaten dugun ordainsari-desberdintasuna ere indarkeria-mota bat da.

4. Gure erreklamazioa Errektoretza Taldeari

Indarkeria matxisten aurkako borrokak lehentasuna izan behar du errektoretza-talde honentzat.

CCOO-tik UPV/EHU-ri eskatzen diogu hitzetatik ekintzetara pasa dadila: Berdintasun Planean aurreikusitako aurrekontua gauzatzeko, Emakumeen eta Gizonen arteko Berdintasunerako Zuzendaritzako langile-kopurua handitzeko eta emakumeen aurkako indarkeria prebenitzeko neurri eraginkorrak negoziatu, garatu eta aplikatzeko, lan-gune seguruak bermatuz.

Emakumeen aurkako indarkeriaren prebentzioa ez da aukera bat, betebehar bat da.

 

5. Kontzentrazio-guneak

Bilbo - Bilbao. Manifestazioa 19:30ean Arriaga Antzokitik.
Donostia - San Sebastián. Manifestazioa 19:00etan Bulebarretik.
Gasteiz - Vitoria. 19:30ean aterako da Andre Mari Zuriaren Plazatik.
(O también: Irteera: 19:30ean, Andre Mari Zuriaren Plazatik.)

#A252025 #EmakumeBakarBatEreEz #GureTxanda

 ¡CCOO, UPV/EHUko langileen defentsan!

AFILIA ZAITEZ CCOO-ra: ONDO DATORKIZU

94 601 2437
ccooupv-bi@ehu.eus

Eskaneatu edo egin klik QR kodearen gainean

UPV/EHU: EUSKAL UNIBERTSITATE SISTEMAKO ERRAUSKINE

Urtebeteko isiltasuna, etengabeko arrakala. EHUko Irakasle eta Ikertzaileen (IIP) soldatak Euskal Unibertsitate Sistemaren atzealdean daude.

Gaur, azaroak 11, urtebete betetzen da CCOOk, errektoretza-ziklo berriari aurrea hartuz, Hautagaitzei zuzendutako Gutun Irekia [1] argitaratu zuenetik. Bertan, gure unibertsitatearen finantzaketarako ibilbide-orri bat aurkezteaz gain, soldata-proposamen bakarra, zentzuzkoa, pentsatua eta kuantifikatua jarri genuen mahai gainean, Irakasle eta Ikertzaileen (IIP) ordainsariak duintzeko.

Urtebete geroago, Joxerramon Bengoetxearen Errektoretzaren gelditasunak eta Eusko Jaurlaritzaren desleialtasun “hiperbolikoak”, Juan Ignacio Pérez Iglesias sailburu eta EHUko errektore ohiaren bitartez, egoera larriagotu egin dute [2].

Gaur, gure “UPV/EHUko Irakasle eta Ikertzaileen Ordainsari Egoerari buruzko Txosten Osoa” delakoan jasotako datu eztabaidaezinekin, IIPek Euskadiko unibertsitate aurreko etapen irakasleekiko, baita hezkuntza pribatukoekiko ere, jasaten duten bidegabekeria historikoa berresteaz gain, EHU Euskal Unibertsitate Sistemako errauskine bihurtu dela frogatzen dugu, bere langileak txarrien ordaintzen dituen erakundea baita.

Irudi batek mila hitzek baino gehiago balio du. Datuak, 2024rako egiaztatutako iturri ofizialetatik ateratakoak, ezin dira interpretatu. Sailburuak esan ohi duen bezala, “dato mata relato” [3]:

IIPen Urteko Oinarrizko Ordainsarien Taula Konparatiboa Euskal Unibertsitate Sistemako Unibertsitateetan (2024)

Figura Akademikoa	Urteko Soldata Gordina UPV/EHU	Urteko Soldata Gordina Deusto	Urteko Soldata Gordin Baliokidea Mondragón*
Irakasle Atxikia / Laguntzaile Doktorea	34.827 €	40.464 €	40.250 €
Irakasle Agregatua / Titularra	38.546 €	60.696 €	48.635 €
Irakasle Osoa / Katedraduna	48.525 €	67.440 €	58.239 €

*Ohar metodologikoa: "Gordina vs. gordina" konparazio zorrotza egiteko, Mondragoneko soldata, kotizazioak deskontatu ondoren jasotzen dena, bere baliokide gordinera "berreraiki" da. Gainera, unibertsitate honek % 4ko igoera onartu du 2025erako, eta horrek arrakala are gehiago handituko du.

Urtean 22.000 Euro Kostatzen den Isiltasuna

Sailburuak Estatu mailako batez bestekoarekin sinplifikazio demagogikoak eta konparazio faltsuak erabiltzen dituen bitartean inbertsio falta justifikatzeko, errealitatea da EHUko Irakasle Titular batek Deustuko bere homologoak baino 22.149 € gutxiago kobratzen duela. Katedradun batek, bikaintasun akademikoaren gailurrak, ia 19.000 € gutxiago jasotzen ditu. Arrakala hau ez da iritzi bat, EHUri eusten dion zutabearentzat umiliazio bat da eta gure unibertsitate publikoaren flotazio-lerroan torpedo bat.

 

 Egin klik grafikoaren gainean xehetasunak ikusteko 

Eta bidegabekeria honetan, Sailburuak nahita ahazten du EHUren berezitasuna: gure unibertsitateak hartzen du bere gain, ia esklusiboki, ardura itzela eta, Euskararen eta Hizkuntza Plangintzaren errektoreordearen hitzetan, euskarazko irakaskuntzaren "kostu izugarriak", unibertsitate pribatuek ez duten betebeharra, eta horrek etengabeko desabantaila lehiakorrean jartzen gaitu. Era berean, aipatu beharra dago, EUSko gainerako unibertsitateekin alderatuta, EHU dela Euskadin ikerketaren eta gizarteari eta euskal enpresa-sareari egindako transferentziaren zama daramana.

LOSU: Alferrik Galdutako Aukera Historikoa

Inoiz ez da izan egoera honi buelta emateko oraingoa baino une hoberik, oraingoan “estatu-esparruak” eskaintzen diguna. Unibertsitate Sistemaren Lege Organiko (LOSU) berriak gutxieneko finantzaketa bat eskatzen du, BPGaren % 1ekoa, 2030ean unibertsitate publikoetarako, azken helburua EBko batez besteko inbertsioarekin pixkanaka parekatzea delarik [4]. Legezko agindu honek, CCOOk aukera historiko gisa mahai gainean jarri zuen lehen sindikatua izanik, negoziazio serio baterako palanka izan beharko luke.

Horren ordez, norgehiagoka antzu baten aurrean gaude, propaganda ardatz duen Errektoretza baten, bere sindikatu kideek babestua, eta bere unibertsitate publiko bakarrari, EHUri, eraso egiten dion Eusko Jaurlaritza baten artean, CCOOk publikoki salatu duen gaia [5].

Ironikoa da, gutxienez, Errektoreak bere homologo pribatuekin bisita-txanda bat hasi izana [6]. Galdetzen diogu geure buruari: soldata-alde izugarriaz interesatu al zen? Edo helburua beste bat zen, agian Euskadiko pribatuei bidea erraztea, unibertsitateak sortzeko dekretuaren aldaketan Sailburuarekin zuen sintoniak iradokitzen zuen bezala? [7], [8].

CCOO: Urtebete Bidea Erakusten

Duela urtebete, CCOOk gutxieneko proposamen bat aurkeztu zuen, arrazoizkoa, premiazkoa eta bakarra, EHUko IIPen soldatak duintzen hasteko. Gaur, proposamen horrek mahai gainean dagoen bide-orri bakarra izaten jarraitzen du. Orduan frogatu genuen, eta gaur berresten dugu, CCOO dela arazo honi heldu dion eragile bakarra, merezi duen seriotasun eta zorroztasunarekin.

CCOO da unibertsitate publiko indartsu baten eredua defendatzen ari dena [9], euskal gizarteari belaunaldi berriak prestatuko dituzten irakasleen prekarietatearen berri emanez, eta ondo finantzatutako eta bere langileak errespetatuko dituen unibertsitate baten alde borrokatzen duena.

Eztabaidak ezin du alderdien botere-borroka baten gatibu izaten jarraitu. Galderak duela urtebete planteatu genuen berbera izaten jarraitzen du: Finantzaketa, ZERTARAKO? Gure erantzuna argia eta zalantzarik gabekoa da: bidegabekeria bikoitz honekin amaitzeko, IIPen lana aitortzeko eta Euskal Unibertsitate Publikoaren etorkizuna bermatzeko, olatu erreakzionario honen aurrean, funtsezko zerbitzu publiko baten pribatizazioaren aldekoa baita.

Aitzakiak alde batera utzi eta ekintzetara pasatzeko ordua da. Konfrontazio antzu hau amaitzea eta benetako negoziazio bati hasiera ematea eskatzen dugu. 

 

 ¡CCOO EHUko langileen defentsan!

AFILIA ZAITEZ CCOOra: ONDO DATORKIZU

94 601 2437
ccooupv-bi@ehu.eus

Eskaneatu edo egin klik QR kodearen gainean