MUTURREKO BEROAREN AURREAN BEREHALAKO NEURRIAK EXIJITZEN DITUGU
Gaur presazko informazioa eskatu dugu Gerentziak maiatzaren 29an hitzemandako neurrien inplementazio-egoerari buruz, CCOOk egindako eskaerari erantzunez. Langileek ezin dute konponbideen zain egon arrisku termikoko baldintzetan lanean jarraitzen duten bitartean.
📢 Partekatu ▾
⭕ Txostenaren Edukia
Gerentziari, Campuseko Errektoreordetzei eta Prebentzio Zerbitzuari zuzendutako idazkia
Datozen egunetan gure campusetan 35-43°C-tik gorako tenperaturak iragartzen dituzten AEMET eta Euskalmet-en aurreikuspenen aurrean (bereziki Bizkaian eta Araban), CCOOk presazko idazkia bidali die Gerentziari, Campuseko Errektoreordetzei eta Prebentzio Zerbitzuari, sindikatu honi (eta ez langileei) joan den maiatzaren 29an jakinarazi zitzaizkion neurrien inplementazio-egoerari buruzko informazioa eskatuz.
📎 Lotutako Dokumentazioa eta Komunikatuak
Gaur informazioa eta berehalako erantzunak eskatzen ditugu, langileen osasunak ezin duelako itxaron:
- Identifikatu al dira eta langileei jakinarazi zaizkie eraikin bakoitzeko "babesleku klimatikoak"?
- Izapidetzen ari al da jada eguzkitik babesteko xaflen instalazioa zerbitzu ahulenetan/esposatuenetan?
- Erosi al dira hitzemandako tenperatura eta hezetasuna neurtzeko ekipoak?
Era berean, erakundeak langileei behar bezala eta ofizialki jakinaraztea eskatzen dugu, lanpostuaren baldintzak betetzen ez direnean, gorabeherak irekitzeko, telelana eskatzeko edo lekualdatzeko komunikazio-kanala gaituta dagoela, informes.prevencion@ehu.eus helbide elektronikoaren bidez.
Kontraesanak eta "zaintza" eza
Batzuetan adibide zehatzak behar dira laneko segurtasun eta osasuneko oinarrizko araudia betetzen ez dela erakusteko, nahiz eta jakina den egoera nahiko orokorra dela:
IIP Zerbitzuan (Irakasle eta Ikertzaileen Pertsonala) langileek hirugarren munduko konponbideak inprobisatzen dituzten bitartean —hautsitako leihoetan kartoiak jarriz monitoreak ikustea galarazten dien eguzkia arintzeko—, ondoan dagoen gelan DZT-ko (Datuen Zentroko prozesagailuak) zerbitzariek tenperatura kontrolatu eta ezin hobeaz gozatzen dute eguneko 24 orduetan.
Berriz diogu: Zer egin behar duzu?
Ez itxaron gehiago. Zure lantokiko tenperatura edo baldintzak legeriara egokitzen ez badira, sakatu Blogeko goiko eskuinaldeko irudian eta eman zure egoeraren berri. Idatziz erregistratzen ez dena ez da existitzen salaketa posibleei begira, Errektoreko eraikinera Osalanek egindako bisitan gertatu zitzaigun bezala.
ERREGISTRATU ZURE GORABEHERA!
Zure osasunak ezin du itxaron. Utzi zure egoera idatziz jasota, zure eskubideak babesteko.
✍️ GORABEHERA ERREGISTRATUIkasleak azterketetan
Ezin dugu aipatu gabe utzi egun hauetan ikasleek ere azterketak egiten dituztela antzeko baldintzetan. Onartezina da langileek zein ikasleek gutxieneko erosotasun termikoa bermatzen ez duten espazioetan beren zereginak garatu behar izatea. Unibertsitateak komunitate osoarentzat baldintza duinak bermatu behar ditu.
Gure jarrera
CCOO ez da promesekin konformatzen. Eguberrien bueltan hotza salatu genuen, eta orain aste debamatzagu beroa salatzen. Gerentziak telelana eta lekualdaketa neurri prebentibo gisa aplikatzeko aukera idatziz aitortzea lortu dugu. Orain, neurri horiek ORAIN bertan inplementatzea exijitzen dugu, ez aste edo hilabete barru.
iruzkinik ez:
Argitaratu iruzkina