EZESPEN BERRIA, ERREKURTSO BERRIA

Gogoan izango duzue joan den urtarrilean erretiro aurreratuaren eskaeren ukapenen aurkako errekurtsoa jartzea gomendatzen genuela (batez ere kalte-ordainekin, nahiz eta beste kasu batzuk ere gerta zitezkeen). Helburua zen etorkizuneko eskubideei eustea, baldin eta UPV/EHUk 2022ko urrian onartutako Arrazionalizazio Plana eta 2015eko Akordioak indargabetzen dituen Plan hori judizialki ezeztatzen bada Justiziaren aurrean jarritako errekurtsoaren ondorioz.

 

Orain, jakinarazi digute bere garaian ezetsi eta errekurritu zen eskaera bat egin zuten pertsonei Irakasle eta Ikertzaileen Errektoreordearen beste ebazpen bat iristen ari zaiela (errektoreak eskuordetuta), eta atzera bota dutela berriro.

Ebazpen horrek, era berean, berraztertze-errekurtsoa jartzeko bidea ematen duenez hilabeteko epean (auzibidera jo baino lehen), orain ere errekurtsoa jartzea gomendatzen da.

Horrekin, ezespen hori inolaz ere ontzat ez ematea lortu nahi da, eta horregatik irmo ez geratzea; gainera, bitartean, abian da CCOOk Plan osoaren aurka jarritako errekurtso judiziala. Bi gaiak paraleloak dira eta, beraz, ezespen horien aurkako errekurtsoa jarri behar da berriro.

Horretarako, eta ezesteko argudioak funtsean berberak direnez, bakoitzak behar duen neurrian (funtsean, izena, dataren bat eta abar) egokitu eta aurreko aldian bezala aurkeztu beharko duen errekurtso-eredu ia bera prestatu dugu.

Oraingoz, kasu guztiek dute zerikusia erretiro aurreratuagatiko kalte-ordainarekin, eta, beraz, eredu hori mugatzen da horretara. Gainera, oraingoz jasota ditugun ebazpenak 2023ko maiatzaren 8koak dira, baina beste data batekin iritsiko bazina, hori da adierazi beharko litzatekeena (eta, aldi berean, epea hilabetekoa izango litzateke data horretatik aurrera).

[ERREKURTSO-EREDUA]

Eta urtarrilean esaten genuena errepikatzen dugu:
Badakigu zure eskubideen defentsaren bidea aspergarria dela eta higadura pertsonala dakarrela, baina kontuan izan behar duzu hori dela, hain zuzen ere, administrazioak, oro har, horrelako gatazketan bilatzen duena: zu nekatzea eta desistatzea nahi dute. Baina zalantzarik gabe, neurri horiek guztiak presio-arma dira UPV/EHUrentzat, eta ez dira zaku hautsian erortzen.

Errektoreari eskatzen diogu hausnartzeko eta langileei entzuteko, 2015eko erretiro-akordioak berrezartzeko eta, oinarri horrekin, sindikatuekin negoziatzera esertzeko, Aldezlek gomendatzen duen bezala [1].

 

Nolanahi ere, zalantzekin jarraitzen baduzu, jarri harremanetan CCOOrekin ccooupv-bi@ehu.eus helbidearen bidez.

AZP bazara, CCOOrekin ccooupv-bi@ehu.eus bidez harremanetan jartzea gomendatzen dizugu, eta zuri egokitutako eredu bat ematen saiatuko gara.  

CCOO UPV/EHUko langileen defentsan!AFILIATU CCOO: ONDO DATORKIZU!!

 94 601 2437

ccooupv-bi@ehu.eus