ZIENTZIA LEGEA: AURRERAPEN GARRANTZITSUAK

Atzo, osteguna, Zientzia, Teknologia eta Berrikuntzaren Legearen erreforma onartu zen Diputatuen Kongresuko osoko bilkuran, eta CCOOko ordezkariek elkarretaratzea egin genuen talde parlamentarioei eskatzeko lagundu zezatela ikerketaren arloko lan-prekarietatearen aurkako borroka horretan. Legeak jaso duen babesa nabarmendu nahi dugu, ez baitu aurkako botorik izan.

 

Ekainaren 8an, Zientzia Batzordeak errefusatu egin zituen ikerketako langileen lan-baldintzak hobetzeko zuzenketa gehienak, baina atzo horietako lau onartu ziren, sindikatuarentzat garrantzi handikoak.

Gure ustez, Zientziaren Legean egindako aldaketak aurrerapauso garrantzitsuak dira ikerketa-sistema publikoaren prekarietatearen aurka eta eskubideak zabaltzearen aurka. Bereziki nabarmendu nahi dugu 59. zuzenketa, Europako funtsekin egindako proiektuetan lan egiten duten ikertzaileak mugarik gabe kontratatzeko betebeharra jasotzen duena, aldi baterako kontratazioa Berreskuratze, Eraldaketa eta Erresilientzia Mekanismoaren funtsekin finantzatutako proiektuetara soilik mugatuz. Horrek Lan Erreformaren 5. xedapen gehigarria aldatzen du, Europako proiektu lehiakor guztiak prekarioan kontratatzeko aukera ematen baitzuen, eta ikerketaren sektorean Lan Erreformaren aplikazio integrala bermatzen du. Aldaketa horiek direla eta, UPV/EHUk arau berrira egokitu beharko du kanpo-finantzazioa izango duten ikertzaileak kontratatzeko egin berri duen araudia. Araudi hori martxoaren amaieran onartu zen gobernu-kontseiluan, eta dagoeneko zaharkituta dago.

Bestalde, atea irekitzen zaio ikerketako langile guztientzat karrera profesionala garatzeari, gaur egun langile mota jakin batzuetara mugatuta baitago, ikertzaile funtzionarioetara, I+G+Bko teknikariak eta kudeaketako langileak eta lan-kontratudun ikertzaileak kanpoan utzita. Osasun-ikerketako langileen karrera profesionalaren garapena ere onartzen da.

 

Era berean, gogorarazi nahi dugu negoziazio kolektiboko prozesuan eta Zientzia eta Teknologia Ministerioarekin lankidetzan egindako ondorengo lanean aldaketa nabarmenak lortu zirela, hala nola doktoratu aurrekoentzako eta doktoratu ostekoentzako kontratua amaitzeagatiko kalte-ordaina [1], ikerkuntza-lan guztia merezimendu gisa aintzatestea bosturtekoetan, doktoretza aurreko eta doktoretza ondoko kontratu guztiak hitzarmen kolektiboetan sartzea eta lan-arloko erreformarekin lotutako kontratazio mugagabea [2].

 

Orain, Legebiltzarreko tramitazioa amaitzea eta araua erabat aplikatzeko lan handia egitea falta da. Tamalez, doktoratu aurreko ikertzaileen soldata-baldintzak hobetzea ez da sartu legean Diputatuen Kongresuan, edo langile guztiei ez zaie ireki ikertzaile finkatuaren ziurtagiria (bikaintasun-programetarako bakarrik).

 Horregatik, CCOOk borrokan jarraituko du eta legea Senatuan izapidetzean hobekuntzak sartzeko eskatzen jarraituko du.  SAIATUKO GARA!!! 

CCOO, ikerketaren alde!EAEko eta Estatuko I+G+b arloan lan duinak egiteko

 

Atzera pausu bat ere ez!

AFILIATU! KOMENI ZAIZU

Gaur egun Euskadin lan egiten duzu, eta bihar? CCOOk nahi duen tokian zaudela defendatuko zaitu.

94 601 2437

ccooupv-bi@ehu.eus